Bi sunt dies chi totta sa tecnologia non est bastante pro aculumare totta sa distantzia e sos peraulos puru servint pagu... M' est semper piaghida sa poesia de Bobore Cambosu, e oe m'est bennida a sa mente pro unu fattu chi est cappidadu in su lugu de sos raigos...no est meda cosa, ma l'appo iscritta inogo mantessi, proitte a su telefunu beniat male a la narrere...
Zua' no istas in pessos!
Ara sa terra, massaju, ca est ora de
arare... giama a Maimone, su deus de s’abba, giamalu e narali... a su trigu, abba prima e abba pustis... cras o pustiscras has a bidere su miraculu de donzi annu... piga subra un’arvure e nara... trigu, beni... e has a bidere sas primas limbas birdes de su trigu chi bessin dae sutta sa terra...a s’arzola, a s’arzola... benzat su entu ispuligadore... torrant sos carros dae s’arzola garrigos de trigu... e già s’istiu est finidu... torrat sa castanza, sa melachidonza, su binu nou... totu torrat e hat a torrare cando nois no hamus a essere pius bios... ma b’hat a essere s’arvure chi hamus piantadu... sa cosa zusta est de lassare bonos ammentos... comente unu chi hat fattu carchi cosa pro mezorare su mundu
